{..البندري مطلوبة للمثول أمام الامم المتحده..}~

السلام عليكم ورحمة الله وبركاته

شحالكم..؟!

في ذاك اليوم كنت حاضرة مقرر حقوق الانسان في الجامعة تكلم الدكتور عن علي بن كحلة المري, وظروفة كأسير عاد الشيخة البنـدري ماقصرت وسرح خيالها, وقعدت تفكر وتقول: باااال ثمان سنين ومحد تكلم بشكل رسمي عنه شذنبه مسكين ووو شذنب الخمسة اللي تيتموا وابوهم للحين حي..؟!

وراحت البنـدري للبيت والموضوع للحين في بالها وماتفكر الا فيه..!
والبندري اذا جا في بالها شي تسويه سوته ولا عليها من حد بس ماتحس بنفسها إلا بعد ماتسوي هالشي..!

فدشيت موقع البيت الابيض في واشنطن وضغطت ع رابط Contact Us..!
واكتبت البندري رساله شطول وشعرض للمدعو باراك بن اوباما..! كتب في الرساله ماكتب عن علي المري والتهم الباطله التي وجهت ضده وما إلى ذلك..

المهم وضغطت Send..!
بعدها بخمس دقايق رجع عقل البندري لراسها وقالت : بندورة حسبي الله على ابليس عدوج شسويتي.؟! أوباما مرة وحده..!
ومرت الايام والبندري تشييك على ايميلها وصلني رد من اوباما ولا لا..!
بعدها بايام وليالي والبندري لاهية بدنياها..!
تميت أفكر بموضوع النقاب وبلجيكا وفرنسا ,, قلت وين حقوق الانسان اللي يطالبون بها..؟! حق الدين وين راح..؟! وحق الحرية وين راح..؟!
تنص المادة 18 من الاعلان العالمي لحقوق الانسان على أن "لكل إنسان حق في حرية الفكر والوجدان والدين ويشمل ذلك حريته في أن يدين بدين ما، وحريته في اعتناق أي دين أو معتقد يختاره"
يعني الحين الامم المتحده ماشافت هالانتهاك الكبير لحقوق الانسان..؟!
خلاص انا باطرش للامم المتحده وخلها تنتبه للي صار..!
وطرشت بندريوه للامم المتحده..!
وطبعا ما انتبهت الا بعد ماتم ارسال الرساله ..!
بعدها بكم يوم تشوف البندري هالاعلان بالجزيرة وتنصدم..!



امي جاتني قالت: البندري شنو هاللي بالجزيرة انتي..؟!
- لبيه يمه..! مادري..؟!
- انتي شمسويه..؟!
- ولا شي..؟!
وتم اعتقال البندري رغما عنها..!
وتم مثولي امام اللجنة بالامم المتحده بنيويورك..!
قيل لي: البندري هل انتي من ارسل هذه الرساله..؟! –وتم عرضها امامي..!-
- نعم انا..!
- وهل كنتي على وعي تام بما فعلتي..؟!
- نعم كنت على وعيٍ تام ..! واتحمل كل المسؤولية لما سيحدث..؟!
- حسنا سـ...
قاطع المتحدث صوت يقول: البندري الشيخة وين وصلتي..؟! بسج سرحان..!
ابتسمت وقلت في خاطري: ليتني اعرف شاللي بيصير ..!

• نصف ماحدث صحيح 100%