بسم الله الرحمن الرحيم
-اسمحولي باتكلم اليوم بالعامية القطرية على غير العادة-
سابقاً كنت أجهل لما أحد يقول جامعة قهر شالقصد وراء هـ التسمية
بس اكتشفت حقيقة السر وراء هـ التسمية وان معهم حق اللي سموها جامعة قهر
صحيح أن جامعتنا هي الجامعة الوطنية الوحيدة في قطر بس تحاول تنفر القطريين منها
ليش ما ادري..!
يمكن لانها تحاول تضيق على الطالب كل طريق...
وماتقول للطالب الحقوق اللي له واللي عليه...
عشان يكون على علم باللي يدور حوله...
واللي اكتشفته من خلال تجربتي هـ الكورس أن الدكاتره ع كيفهم يحطون الدرجات
يعني إذا اعجبه (س) رفعه من F إلى B+ عادي
وإذا (ص) مب عاجبه ينزله من A إلى D+
شهالظلم..؟!
يعني انتي ياجامعة قهر ليش ماتساعدين طلابج على التعليم وتفكينهم من الضغوط..؟!
أخبر من كم يوم قريت أحصائية تقول إن 20% من القطريين هم اللي حاملين شهادات البكالوريس بس..!
ترى هـ النسبة يا جامعتنا الموقرة مب هينه
سكرتي كل الطرق بوجيهنا
مثلا الحين:
ليش لازم على الطالب يجيب شهادة توفل ولا أيلتس
ليش مب إذا خلص سنتين تأسيسي يتخصص
ترى هذا مب مقياس للغة الطالب كلش
والله مادري شاقول من القهر والحره اللي فيني
بس للحديت بقية
3 باحت أقلامهم:
السلام عليكم..
إختي الفاضلة.. أحييج على طرحج الجيد، وإلي مايختلف عن الطرح العام الي تغلب عليه السلبية.. على فكرة أنا هلي معاكم فالجامعة وتعطلوا بسبة التوفل، بس صدقيني هم مب شادين حيلهم ولما حسوا إن اللغة عندهم ضعيفة وبتأثر على مستقبلهم فكروا بجدية فالموضوع، واجتهدوا، وباذن الله هالمرة بيعدون الآيلتز.. أنا عن نفسي عدته مرة، والثانية جبت التوفل.. وصدقيني مثل هالأمور ماتبين نتايجها إلا بعد فترة، ومب بشكل مباشر.. بس في سوق العمل، وفي تكوين شخصية الطالب وتحمله للمسؤوليات.. على العموم، مقالة جيدة وننتظر المزيد..
مرحبا أخوي محمد,,
ألف شكر على بوح قلمك..!
ألف يوفق هلك لما يحب ويرضى..!
أنا بعد عديت الايلز يمكن بحكم اني دارسة من أول أبتدائي أنجليزي..!
بس النقطة اللي كنت أبي أوضحها..
ليش الجامعه ماتعترف بسنتين التأسيسي..
مثل ما أنا لاحظت انت هندسة ميكانيكيه يعني نفس القسم أنا صناعيه
على أقل تقدير اللي شاد حيله بهالتخصص بيخلص 4 سنين ونص
مع التأسيسي 6 سنين هذا اذا جبته من أول سنتين
مادري شالفايده :(
وانت صدقت لمن انك قلت انه لها نتايج بعيدة المدى هذا صحيح
ألف شكر على الرد
في انتظار موضوع جديد
اخوج: بويوسف
إرسال تعليق